ကာလီဖိုးနီးယား တောမီးလောင်ကျွမ်းမှု ဆန်ဖရန်စစ္စကိုမြို့  ရေနှင့် လျှပ်စစ်ဖြန့်ဖြူးမှုအား ခြိမ်းခြောက်လျက်ရှိ

                        အမေရိကန်ပြည်ထောင်စု ကယ်လီဖိုးနီးယားပြည်နယ် Yosemite အမျိုးသား
ပန်းခြံ မြောက်ပိုင်းသို့ ပျံ့နှံ့ ခဲ့သော တောမီးလောင်ကျွမ်းမှုသည် ယခုအခါ ဆန်ဖရန်စစ္စကိုမြို့ 
ရေပေးဝေမှုနှင့် လျှပ်စစ်ဓာတ်အားဖြန့်ဖြူးမှုများအား ခြိမ်းခြောက်မှုများ ရှိကြောင်း အာဏာပိုင်များ
က သြဂုတ် ၂၅ ရက်တွင် ပြောကြားခဲ့သည်။ အဆိုပါ တောမီးကြောင့် နိုင်ငံပိုင် မြေဧက
၁၃၃၉၈၀ လောင်ကျွမ်းခဲ့ပြီးဖြစ်ကြောင်း Inci သတင်းဝက်ဘ်ဆိုဒ်၏ သတင်းထုတ်ပြန်ချက်အရ
သိရသည်။

                      ထို့ပြင် ၄င်းတောမီးသည် သြဂုတ် ၁၇ ရက်က စတင်လောင်ကျွမ်းခဲ့ခြင်း
ဖြစ်ပြီး မီးလောင်ကျွမ်းရသည့် အကြောင်းအရင်းအား ယခုတိုင် မသိရသေးကြောင်းနှင့်
မီးသတ်သမား ၂၈၀၀  ကျော်သည် ရဟတ်ယာဉ်များ၊ လေယာဉ်များ အသုံးပြု၍ ငြှိမ်းသတ်နိုင်
ရန် ကြိုးပမ်းလျက်ရှိကြောင်း သိရပါသည်။

ဒီရေတော ပြုန်းတီးမှု တစ်နှစ်လျှင် တစ်ရာခိုင်နှုံး ပြုန်းတီးလျက်ရှိ

                  မြန်မာနိုင်ငံအတွင်း ဒီရေတောပြုန်းတီးမှုသည် တစ်နှစ်ထက်တစ်နှစ် မြင့်တက်လျက်
ရှိရာ ပျမ်းမျှအားဖြင့် တစ်နှစ်လျှင် တစ်ရာခိုင်နှုံး ပြုန်းတီးလျက်ရှိကြောင်း ပတ်ဝန်းကျင်ထိန်းသိမ်း
ရေးနှင့် သစ်တောရေးရာဝန်ကြီးဌာနမှ ထုတ်ပြန်ချက်များအရ သိရသည်။
                  အဆိုပါ ဒီရေတောပြုန်းတီးမှုများသည် ကမ်းရိုးတန်းဒေသများအတွင်း လောင်စာ
အသုံးပြုမှုနှင့် ထင်းအသုံးပြုမှုများလာသည့်အပြင် မွေးမြူရေးလုပ်ငန်းများ၊ စိုက်ပျိုးမြေချဲ့ ထွင်
ခြင်းများ၊ မြို့ ပြနေရာချထားမှု၊ ဂေဟစနစ်ပျက်ယွင်းမှုတို့ကြောင့် လျော့နည်းလာရခြင်း
ဖြစ်ကြောင်း သိရသည်။

                  "ဒီနှစ်မှာ တစ်ရာခိုင်နှုံးအောက် လျော့နည်းပပျောက်ရေးကို လုပ်ဆောင်ဖို့
ရှိပါတယ်။ ကန့်သတ်တဲ့ ဥပဒေတွေ ဖော်ဆောင်နိုင်မှသာ ဒါတွေကို ထိန်းသိမ်းနိုင်မှာပါ။
သက်ဆိုင်ရာဌာနကလည်း ပြင်ဆင်နေတယ်လို့ သိရပါတယ်" ဟု သဘာဝပတ်ဝန်းကျင်
လေ့လာသူ တစ်ဦးက ပြောကြားခဲ့သည်။
                   မြန်မာနိုင်ငံအတွင်းရှိ ဒီရေတောများပြုန်းတီးခြင်းသည် တည်ဆဲဒီရေတော
ဂေဟစနစ် စီမံအုပ်ချုပ်လုပ်ကိုင်မှုနှင့် စပ်လျဉ်းသည့် ဥပဒေ၊နည်းဥပဒေ အားနည်းခြင်း
ကြောင့်ဖြစ်ကြောင်း၊ ထို့ပြင် ကမ်းရိုးတန်းဒေသနေ လူဦးရေ ထူထပ်မှုများလည်း
ပါဝင်ကြောင်း သိရသည်။
                   ခြောက်နှစ်အတွင်း ဒီရေတော ၅ ဒသမ ၀၉ ရာခိုင်နှုံး လျော့နည်းပြုန်းတီးမှု
ရှိနေကြောင်း၊ ဒီရေတောအပင်များသည် လေထုညစ်ညမ်းစေသည့် ကာဗွန်ဒိုင်အောက်ဆိုဒ်
ကို နှစ်ဆစုပ်ယူပေးနိုင်သောကြောင့် ပိုမို ထိန်းသိမ်းသင့်ကြောင်း သိရသည်။

ကင်ညာတိရစ္ဆာန်ရုံမှ ကြံ့ကို သတ်ဖြတ်၍ ဦးချို ခိုးယူ

                                            သြဂုတ်   ၁၃


                  ကင်ညာနိုင်ငံ နိုင်ရိုဘီမြို့ တော်အနီးရှိ လုံခြုံမှုအရှိဆုံး အပန်းဖြေဥယျာဉ်များ
၌ အပါအ၀င်ဖြစ်သော တိရစ္ဆာန်ရုံတစ်ရုံတွင် သားကောင်ခိုးဖမ်းသူများက ကြံ့ဖြူတစ်ကောင်
ကို ပစ်သတ်သွားခဲ့သည်။
                ယခုဖြစ်ရပ်သည် ခြောက်နှစ်တာကာလအတွင်း နိုင်ရိုဘီအမျိုးသားဥယျာဉ်၌
ပထမဆုံး သတ်ဖြတ်ခံရမှုဖြစ်ကြောင်း ကင်ညာတောရိုင်းတိရစ္ဆာန်ဌာန၏ ပြောရေးဆိုခွင့်
ရှိသူ ပေါလ်အူဒိုတိုက ပြောကြားသည်။ သားကောင်ခိုးဖမ်းသူများသည် သြဂုတ် ၉ ရက်တွင်
ကြံ့ကို သတ်ဖြတ်၍  ၄င်း၏ ဦးချိုကို ယူဆောင်သွားကြကြောင်း အဆိုပါ ပုဂ္ဂိုလ်၏ ပြော
ကြားချက်ကို ကိုးကား၍ အေအက်ဖ်ပီသတင်းတွင် ဖော်ပြသည်။

                 ၂၀၁၃ ခုနှစ်အတွင်း ကင်ညာနိုင်ငံ၌ ယခုအချိန်ထိ ကြံ့စုစုပေါင်း ၃၅ ကောင်
သတ်ဖြတ်ခံထားရကြောင်း၊ ၂၀၁၂ ခုနှစ်တွင် သတ်ဖြတ်ခံရသော ကြံ့ကောင်ရေမှာ
၂၉ ကောင် ရှိခဲ့ကြောင်း သူကဆိုသည်။ နိုင်ရိုဘီအမျိုးသားဥယျာဉ်သည် ကင်ညာနိုင်ငံ
မြို့ တော်၏ မြို့ လယ်မှ ၄ မိုင်သာ ကွာဝေးသော နေရာတွင် တည်ရှိသည်။
                 အာဖရိကတိုက်တွင် လွန်ခဲ့သောနှစ်များအတွင်း ကြံ့နှင့်ဆင်နှစ်မျိုးစလုံးကို
ပစ်ခတ်သတ်ဖြတ်ခိုးယူမှုများ များပြားလာသည်ကို တွေ့ရသည်။ သတ်ဖြတ်ခိုးယူခံရ
သော ကြံ့ချိုအများစုသည် ရိုးရာတိုင်းရင်းဆေးဈေးကွက်ရှိသော အရှေ့ တောင်အာရှသို့
ရောက်ရှိသွားခြင်းဖြစ်ပြီး ယင်းဒေသ၌ ကြံ့ချိုသည် ရောဂါကုသနိုင်သော အစွမ်းရှိသည့်
အရာများ ပါဝင်သည်ဟု သိပ္ပံနည်းကျ အထောက်အထားများ မရှိသော်လည်း ယုံကြည်
နေကြကြောင်း သဘာဝပတ်ဝန်းကျင်ချစ်မြတ်နိုးသူများက သံသယရှိနေကြသည်။
တကယ်တမ်းတွင် ကြံ့ချိုသည် လူ့လက်သည်းခွံတွင် ပါဝင်သော ဒြပ်ပစ္စည်းများဖြင့်ပင်
ဖွဲ့စည်းထားခြင်းဖြစ်သည်။

ဆူဒန်ရေဘေး လူ ၄၈ ဦး သေဆုံးကာ လူဦးရေ သုံးသိန်းနှစ်သောင်းကျော် ထိခိုက်

                        ဆူဒန်နိုင်ငံတွင် ရေလွှမ်းမိုးမှုများ ဖြစ်ပေါ်နေသဖြင့် လူ ၄၈ ဦး သေဆုံးခဲ့ရပြီး
ဖြစ်ကာ လူဦးရေ သုံးသိန်းနှစ်သောင်းကျော်၏ နေ့စဉ်ဘ၀များ ခက်ခဲလျက်ရှိကြောင်း ကမ္ဘာ့
ကျန်းမာရေးအဖွဲ့  WHO ၏ ထုတ်ပြန်ချက်ကို ကိုးကားလျက် AFP  သတင်းတစ်ရပ်က ဖော်ပြ
ထားသည်။
                        ကုလသမဂ္ဂ လက်အောက်ခံ ကျန်းမာရေးအဖွဲ့အစည်းက အဆိုပါ ကြေညာ
ချက်ကို ထုတ်ပြန်နေစဉ်၌ပင် မြို့ တော်ချက်တွန်းနှင့် အနီးတ၀ိုက်တွင် မိုးကြိုးမုန်တိုင်းများ ပစ်
ချခြင်း၊ လေထန်မိုးကြီးနေခြင်းတို့ ဆက်လက်ဖြစ်ပေါ်လျက် ရှိနေရာ ပြီးခဲ့သည့် ၂၅ နှစ်အတွင်း
ဆူဒန်၏ အဆိုးဝါးဆုံး ရေဘေးဖြစ်ကြောင်း ထုတ်ပြန်ချက်တွင် ဖော်ပြထားသည်။
                        " ဆူဒန်တွင် မိုးသည်းထန်ခြင်းနှင့် ရေလွှမ်းမိုးခြင်းတို့ကြောင့် အိမ်ထောင်စု
၆၅၉၅၇ စု သို့မဟုတ် လူဦးရေ ၃၂၀၀၀၀ တို့၏ ဘ၀နှင့် ပိုင်ဆိုင်မှုများကို ထိခိုက်ခဲ့ရကြောင်း"
ဟု WHO  က အစီရင်ခံစာတွင် ထည့်သွင်းရေးသားခဲ့သည်။
                        ၄၈ ဦးသေဆုံးထားပြီး ၇၀ ဦး ဒဏ်ရာရရှိထားကာ တိုင်းပြည်၏ ပြည်နယ်
၁၈ ခုအနက် ၁၄ ခုမှာ ရေဘေးသင့်နေသည်ဟု ပြီးခဲ့သည့် သြဂုတ် ၂၁ ရက် သတင်းများ
အရ သိရသည်။
                         ပြည်ထဲရေးဝန်ကြီး အီဘရာဟင်မာမွတ်ဟာမက်က သေဆုံးသူဦးရေမှာ
ယခုထက် ပိုများနိုင်ခြေရှိသည်ဟု ပြောကြားခဲ့သည်။
                         အိမ်သာအလုံးရေပေါင်း ငါးသောင်းသုံးထောင်ပျက်စီးခဲ့ရသောကြောင့်
ကျန်းမာရေးအတွက် စိုးရိမ်ရမှုမှာ အမြင့်ဆုံးသို့ ရောက်ရှိနေကြောင်း WHO  ကဆိုသည်.။
                         နိုင်းလ်မြစ်ရေသည်လည်း အထူးမြင့်တက်လျက်ရှိပြီး မြို့ ပြဒေသများ
တွင်လည်း မြစ်ရေကြီးမှုပြသနာများ ရင်ဆိုင်နေရသည်။
                          မြစ်ရေတက်လာသောကြောင့် စိုက်ပျိုးရေးခင်းများလည်း ထိခိုက်ခဲ့
ရသည်ဟု ဆူဒန်မှ AFP သတင်းထောက်များက ပြောကြားကြသည်။
                          "အလွန်ကြီးမားတဲ့ သဘာဝ ဘေးဒဏ်ကြီးဖြစ်ပါတယ်" ဟု
ကုလသမဂ္ဂ၏ ဆူဒန်နိုင်ငံဆိုင်ရာ လူသားချင်း ကိုယ်ချင်းစာနာမှု အကူအညီပေးရေး
လုပ်ငန်းများညှိုနှိုင်းရေးမှူး မာ့ခ်ကတ်စ်က ပြောကြားခဲ့သည်။
                          ဆူဒန်နိုင်ငံသည် စစ်ဒဏ်ကိုလည်း အကြီးအကျယ်ခံခဲ့ရသည့်
နိုင်ငံဖြစ်ကာ ရေမြုပ်သည့် တောင်ပိုင်းကော်ဒိုဖန်ဒေသနှင့် ဘလူးနိုင်းလ်မြစ်ဝှမ်းဒေသ
သည် ယခင်က စစ်ဘေးဒဏ်သင့်ဒေသများ ဖြစ်သည်။

ကြည့်မြင်တိုင်မြို့ နယ်တွင် ထူးကဲဒီရေကြောင့် နေအိမ်များအတွင်း ရေ၀င်

 ရန်ကုန်                                                                              သြဂုတ်  ၂၄

                             ရန်ကုန်တိုင်းဒေသကြီး ကြည့်မြင်တိုင်မြို့ နယ် လှိုင်မြစ်အနောက်ဖက်ကမ်း
ရပ်ကွက်များတွင် ထူးကဲဒီရေကြောင့် နေအိမ်များအတွင်း ရေများ ၀င်ရောက်မှုဖြစ်ပေါ်လျက်ရှိရာ
ယမန်နေ့က စက်ဆန်းအောက်ရုံ အလတ်ချောင်းရပ်ကွက်များ၌ နေအိမ်များအတွင်း ဒီရေများ
ဝင်ရောက်မှုဖြစ်ပေါ်လျက်ရှိသည်။ ထိုကဲ့သို့ ဒီရေများ ၀င်ရောက်မှုဖြစ်ပေါ်နေသောကြောင့် ရပ်ကွက်
အုပ်ချုပ်ရေးမှူး ဦးသိန်းဇော်နှင့် ရပ်မိရပ်ဖများ၊ ရပ်ကွက်ဖွံ့ဖြိုးမှု အထောက်အကူပြုအဖွဲ့များ၊ အရန်
မီးသတ်တပ်ဖွဲ့ဝင်များ၊ ကြက်ခြေနီတပ်ဖွဲ့ဝင်များ ပူးပေါင်းအင်အား ၆၀ ခန့်မှာ ပစ္စည်းများ ကူညီ
ပြောင်းရွှေ့ ခြင်း၊ ယိုင်နဲ့သွားသော နေအိမ်များကို ပြန်လည်ပြုပြင်ပေးခြင်း၊ ကျန်းမာရေး
စောင့်ရှောက်မှုလုပ်ငန်းများ ဆောင်ရွက်ပေးခြင်းနှင့် တင်ကျန်ခဲ့သော အမှိုက်သရိုက်များကို
ရှင်းလင်းခြင်း စသည့်လုပ်ငန်းများကို ပူးပေါင်းလုပ်ဆောင်ခဲ့ကြောင်း သိရသည်။

တရုတ်နိုင်ငံအလယ်ပိုင်းတွင် ထရာမီတိုင်ဖုန်းမုန်တိုင်းကြောင့် လူပေါင်း ၃၁၆၀၀၀ မုန်တိုင်းဒဏ်ခံခဲ့ရ

                            တရုတ်နိုင်ငံအလယ်ပိုင်း ဟူနန်ပြည်နယ်တွင် ယခုနှစ်အတွင်း ၁၂ ကြိမ်မြောက်
ဝင်ရောက်တိုက်ခတ်ခဲ့သည့် ထရာမီတိုင်ဖုန်းမုန်တိုင်းကြောင့် လူပေါင်း ၃၁၆၀၀၀ မုန်တိုင်းဒဏ်
ခံခဲ့ရပြီး၃၀၉၀၀ ကိုမူ ဘေးလွတ်ရာသို့ ပြောင်းရွှေ့ ပေးခဲ့ရကြောင်း ဒေသတွင်း အာဏာပိုင်များက
 သြဂုတ် ၂၄ ရက်တွင် ပြောကြားထားသည်။

                            မိုးသည်းထန်စွာ ရွာသွန်းမှုကြောင့် စီရင်စု ၁၄ ခု၊မြို့ များနှင့် ခရိုင်များတွင်
အပျက်အစီးများစွာ ဖြစ်ပေါ်ခဲ့ပြီး ဒေသခံ ၃၆၁၀၀၀ ခန့်မှာ မုန်တိုင်းဒဏ်ခံခဲ့ရရုံသာမက လူပေါင်း
၃၀၉၀၀  ကို ဘေးလွတ်ရာသို့ ရွှေ့ ပြောင်းပေးခဲ့ရကြောင်း မုန်တိုင်းဒဏ်ကြောင့် သီးနှံစိုက်ခင်း
ဟက်တာ ၁၃၃၅၀ ခန့် ပျက်စီးခဲ့ပြီး အိမ်ပေါင်း ၁၅၀ ခန့် ပြိုကျခဲ့ကြောင်း သိရသည်။

ရေဘေးအန္တရာယ် ကင်းရှင်းရေး ၀ိုင်းဝန်းဆောင်ရွက်ပေးလျက်ရှိ

                          မိုးသည်းထန်စွာ အဆက်မပြတ် ရွာသွန်းသဖြင့် ရခိုင်ပြည်နယ် အမ်းမြို့ 
အတွင်းရှိ အမ်းချောင်းရေလျှံမှုကြောင့် သြဂုတ် ၂၁ ရက် နံနက် ၈ နာရီခန့်က အမ်း-စစ်တွေ
ကားလမ်းမိုင်တိုင်အမှတ် ၄/၄ အနီးတ၀ိုက်တွင် အရှည်ပေ ၃၀၀ ခန့်၊ အနက် ၅ ပေခန့် ကားလမ်း
ရေကျော်မှု ဖြစ်ပွားခဲ့သဖြင့် တပ်မတော်သားများက ခရီးသွားပြည်သူများ အဆင်ပြေစွာ သွားလာ
နိုင်ရေးအတွက် လှေများဖြင့် ကူညီပို့ဆောင်ပေးခဲ့ပြီး ရေ၀င်ရောက်ခဲ့သည့် အမ်းမြို့  အောက်ရွာ
ဘုန်းကြီးကျောင်းနှင့် ပတ်ဝန်းကျင်ကို တပ်မတော်သားများက သန့်ရှင်းရေးဆောင်ရွက်ပေးခဲ့
ကြောင်း သတင်းရရှိပါသည်။

မြ၀တီမြို့ ရေကြီးရေလျှံမှုဖြစ်ပေါ်ကာ လမ်းမများပေါ်တွင် ရေလွှမ်းနေသော်လည်း တာဝန်သိ ယာဉ်ထိန်းရဲတစ်ဦး ရေထဲ၌ လမ်းရှင်းနေစဉ်

 

 

 

18.8.2013  နေ့ထုတ် ရီပိုတာ သတင်းဂျာနယ်မှ ကူးယူဖော်ပြပါသည်။

ကလေးများ မိုးကြိုးပစ်ခံရ

                             မိုင်းကိုင်                             သြဂုတ် ၁၈

                          ရှမ်းပြည်နယ် လွိုင်လင်ခရိုင်တွင် အောင်ပွဲဖြင့် ရောက်ရှိလာသော 
ဘောလုံးအသင်းအား ကြိုဆိုရန် မြို့ နယ်ပညာရေးမိသားစုက အထက(ခွဲ)တွင် စုရုံးရောက်ရှိ
နေစဉ် သြဂုတ် ၁၄ ရက်ညနေ ၄ နာရီခွဲတွင် မိုးသည်းထန်စွာ ရွာသွန်းပြီး မိုးကြိုးပစ်ခဲ့သဖြင့်
ကျောင်းသားကျောင်းသူ ၇ ဦး မိုးကြိုးပစ်ဒဏ်ခံခဲ့ရပြီး မိုင်းကိုင်မြို့ နယ် ပြည်သူ့ဆေးရုံသို့
ပို့ဆောင်ပြီး ဆေးကုသမှုခံယူလျက်ရှိသည်။ ၄င်းတို့တွင် ခြောက်ဦးမှာ စိုးရိမ်ဖွယ်ရာ 
မရှိကြောင်းနှင့် ကျန်ကျောင်းသူတစ်ဦးမှာ သတိပြန်လည်လာခြင်းမရှိသေးကြောင်း 
သိရပါသည်။

ယီမင်နိုင်ငံတွင် မင်္ဂလာဆောင်ပြန်သတို့သမီးကား တောင်ကျချောင်းထဲမျော...၂၇ ဦးသေဆုံး

                        ယီမင်နိုင်ငံတောင်ပိုင်း မုတ်သုန်မိုးအဆက်မပြတ် ရွာသွန်းမှုကြောင့် တောင်ကျ
ချောင်းတစ်ခုအတွင်း မိုးရေများ ဒလဟောစီးဆင်းလျှက်ရှိသည်။ မင်္ဂလာဆောင်အခမ်းအနားတစ်ခုမှ
ပြန်လာသော ကားများ ဖြတ်သွားခဲ့ရာ ရေစီးအတွင်း မျောပါသွားသဖြင့် အနည်းဆုံး ၂၇ ဦး သေဆုံး
ပြီး ၄၁ ဦးထက်မက ပျောက်ဆုံးနေကြောင်း ဒေသဆိုင်ရာ တာဝန်ရှိသူများက သြဂုတ် ၁၇ ရက်တွင်
ပြောကြားသည်။
                       သေဆုံးသူအများစုသည် အမျိုးသမီးများနှင့် ကလေးများဖြစ်ကြသည်။ ယင်းတို့
သည် သတို့သမီးနှင့်အတူ ကားသုံးစီးအတွင်း ခြံရံလိုက်ပါလာခဲ့ကြသည်။ ရှာရက်ခရိုင်တိုက်ဇ်နှင့်
အစ်ဘ်ပြည်နယ်အကြား ၀ါဒီနက်ခ်လာချောင်းကို ဖြတ်ကူးပြီး နေအိမ်သစ်ဆီသို့ အသွား ရေစီးထဲ
မျောပါသွားခဲ့သည်။ သို့သော် သတို့သမီးသည် ထိခိုက်ဒဏ်ရာသာ ရပြီး အသက်ရှင်လျက် ရှိသည်
ဟု ဆိုသည်။ ကယ်ဆယ်ရေးအဖွဲ့က ပျောက်ဆုံးသူများအား ဆက်လက်ရှာဖွေနေဆဲဖြစ်သည်။
လူရှစ်ဦးကို ကယ်တင်နိုင်ခဲ့ကြောင်း နိုင်ငံပိုင်မီဒီယာသတင်းတွင် ဖော်ပြသည်။

အလက်စကာနွေ တောမီးလောင်ကျွမ်းမှု မီးခိုးနှင့် ရေကြီးမှုတို့ကြုံရ

                        အလက်စကာ ဒေသခံပြည်သူများအဖို့ သာမန်မဟုတ်ဘဲ ထူးထူးခြားခြား
နွေဥတုဖြစ်စဉ်များဖြစ်သော နွေးထွေး၍ နေရောင်တောက်ပသော နွေဥတုကြောင့် ပျော်ရွှင်
ကြည်နူးခဲ့ကြရသော်လည်း တောမီးများ ကျယ်ကျယ်ပြန့်ပြန့်လောင်ကျွမ်းခြင်းကြောင့် မီးခိုးများ
ဖြင့် မွှန်ထူမွန်းကြပ်ခြင်း၊ နှင်းများနှင့် ရေခဲမြစ်များ လျင်မြန်စွာ အရည်ပျော်မှုကြောင့် မြစ်များ
ရေလျှံခြင်းနှင့် အယ်လ်ဂျေးနှင့် ရေမှော်များ ထူထပ်ခြင်းတို့ကြောင့် ငါးဖမ်းလုပ်ငန်းများ
ထိခိုက်ခြင်းတို့ကိုပါ တွေ့ကြုံလာကြရသည်။

                       ယခုနှစ်နွေရာသီအတွင်း အလက်စကာပြည်နယ်တခွင် တောမီးလောင်
ကျွမ်းမှု အကျယ်အ၀န်းမှာ ဧက ၁.၂၅ သန်းထိ ရှိခဲ့သည်။ သြဂုတ် ၁၆ တစ်နေ့တည်းတွင်
တောမီးလောင်ကျွမ်းမှု ၇၀ ရှိရာ ဖဲယားဘန့်အရှေ့ တောင်ဘက် ၉၅ မိုင်ခန့်အကွာ မြစ်ဝ
ကျွန်းပေါ် လမ်းဆုံအနီး ၅၇၈၇၀ ဧက လောင်ကျွမ်းမှုလည်း ပါဝင်သည်။
                      အဆိုပါဒေသအနီး နေထိုင်သူ ဒေသခံများအား မီးခိုးငွေ့များကြောင့်
အိမ်တွင်း၌သာ နေထိုင်ကြရန် ယခုရက်သတ္တပတ်စောစောပိုင်းက အကြံပေးတိုက်တွန်း
ထားရသည်။ အလက်စကာ ပတ်ဝန်းကျင်ထိန်းသိမ်းရေးဌာန၏ အဆိုအရ လေထု
အရည်အသွေးမှာ ကျန်းမာရေးကို အလွန်ထိခိုက်စေသည့် ဒုတိယအဆင့် အဆိုးရွားဆုံး
အခြေအနေတွင် ရှိနေသည်။
                     ယခုနှစ် တောမီးရာသီမှာ ကြီးကြီးမားမား၊ အကြိမ်ရေများများနှင့် ပို၍
ကြာကြာလောင်ကျွမ်းသည့်ပုံစံဖြစ်သည်ဟု အလက်စကာပြည်နယ် အမျိုးသား မိုးလေ
ဝသဌာနမှ ရာသီဥတုသိပ္ပံမန်နေဂျာ ရစ်ခ်သောမန်က ပြောကြားသည်။ အလက်စကာတွင်
၁၉၈၈ နောက်ပိုင်း နွေရာသီ ၁၁ ခု၌ ဧက တစ်သန်းကျော် တောမီးလောင်ကျွမ်းခဲ့ပြီး
ဖြစ်သည်။

တိုက်ကြီးမြို့ နယ်၌ လေပြင်းတိုက်ခတ်၍ မူလတန်းကျောင်းအမိုး ပျက်စီး

                        ရန်ကုန်တိုင်းဒေသကြီး တိုက်ကြီးမြို့ နယ် ဥက္ကံမြို့ မြောက်ဘက် ၄ မိုင်ခန့်အကွာ
ရှိ သာယာကုန်းကျေးရွာအုပ်စု တောင်ညိုကျေးရွာ၌ ယမန်နေ့ညနေ ၅ နာရီက လေပြင်း
တိုက်ခတ်ခဲ့မှုကြောင့် အခြေခံပညာမူလတန်းကျောင်း၏ အမိုးသွပ်ရှစ်ပေ အချပ် ၄၀ နှင့် ဒိုင်း၊
 မြှားတန်းများပျက်စီးပြုတ်ထွက်သွားခဲ့သည်။ လေပြင်းတိုက်ခတ်မှုကြောင့် တန်ဖိုးငွေကျပ် 
၆၁၀၀၀၀  ခန့် ဆုံးရှုံးခဲ့ပြီး လူထိခိုက်ဒဏ်ရာရရှိမှု မရှိကြောင်း သိရှိရပါသည်။

ဖိလစ်ပိုင်နိုင်ငံတွင် အပူပိုင်းမုန်တိုင်း Trami တိုက်ခတ် မိုးသည်းထန်စွာ ရွာသွန်း

                           ဖိလစ်ပိုင်နိုင်ငံတွင် အပူပိုင်းမုန်တိုင်း Trami တိုက်ခတ်မှုကြောင့် 
မိုးသည်းထန်စွာ ရွာသွန်းခဲ့သဖြင့် မနီလာမြို့ ရှိ ကျောင်းများ၊ အစိုးရရုံးများနှင့် စတော့ရှယ်ယာ
ဒိုင်တို့ကို သြဂုတ် ၁၉ ရက်က ပိတ်ခဲ့သည်ဟု သိရသည်။ 
                          အဆိုပါ မိုးရွာသွန်းမှုသည် သြဂုတ် ၁၈ ရက် တစ်ညလုံးနှင့် ၁၉ ရက်
နံနက်ပိုင်းအထိ ပြင်းထန်စွာ ဆက်လက်ရွာသွန်းခဲ့ပြီး မနီလာမြို့ ရှိ အချို့ လမ်းများနှင့် အဝေးပြေး
လမ်းမကြီးတို့ပေါ်တွင်  ခါးအထိ အနက်ရှိသော အမှိုက်သရိုက်ပြည့်နေသည့် ရွှံ့ရေများကြောင့်
ပြည်သူ့ပို့ဆောင်ရေးလုပ်ငန်းမှ ပုံမှန်ခရီးဝေးပြေးဆွဲမှု လုပ်ငန်းအချို့ ကို ဆိုင်းငံ့ထားသည်ဟု
သိရသည်။

                          ယင်းဖြစ်ပွားမှုနှင့် စပ်လျဉ်း၍ ပျက်စီးဆုံးရှုံးမှုများကို အတိအကျ သတင်း
ထုတ်ပြန်ခြင်းမရှိသေးသော်လည်း လူဇွန်ကျွန်းမြောက်ဘက်ရှိ တောင်ထူထပ်သော ဒေသမှ
ဒေသခံ ၂၀၀ ကျော်ကို မြေပြိုမှုဒဏ်မှ ကာကွယ်နိုင်ရန်အတွက် ဘေးကင်းရာသို့ ပြောင်းရွှေ့ 
ပေးခဲ့ကြောင်း သဘာဝဘေးအန္တရာယ် စီမံခန့်င်္ခွဲရေးအဖွဲ့က ပြောကြားခဲ့သည်။

သံတောင်ကြီးမြို့ နယ်၌ မြေပြိုကျ...လူငါးဦးသေဆုံး

                          ကရင်ပြည်နယ် သံတောင်ကြီးမြို့ နယ်၌ သြဂုတ်လ ၁၆ ရက်က မြေကျင်း
ပိသဖြင့် လူငါးဦးသေဆုံးခဲ့ကြောင်း သိရသည်။
                         ဖြစ်စဉ်မှာ ပဲခူးတိုင်းဒေသကြီး ထန်းတပင်မြို့ နယ် အရှေ့ မြောက်ဘက်၁၅ မိုင်
ခန့်အကွာ ကရင်ပြည်နယ် သံတောင်ကြီးကျေးရွာ လွန်ပူးကျေးရွာ၏ မြောက်ဘက် တစ်မိုင်ခန့်
အကွာတောအတွင်း ရွှေမှုန်စုပ်စက်လုပ်ငန်း လုပ်ကိုင်နေစဉ် မြေကျင်းပြိုကျသဖြင့်
 ရွှေကျင်လုပ်သားငါးဦးမှာမြေကျင်းပိသေဆုံးခဲ့ခြင်းဖြစ်ကြောင်း သိရသည်။

တရုတ်နိုင်ငံ အရှေ့ မြောက်ပိုင်း ရေကြီး၊ သေဆုံးသူ ၅၄ ဦးထိရှိ

                       တရုတ်နိုင်ငံ အရှေ့ မြောက်ပိုင်း လျောင်နင်းပြည်နယ် ဖူကျန်မြို့ ၌ ဆယ်စုနှစ်
များအတွင်း အဆိုးရွားဆုံး ရေကြီး ရေလျှံရေလွှမ်းမိုးမှုဖြစ်ပေါ်ခဲ့ပြီး ပြီးခဲ့သည့် သြဂုတ်  ၁၈  ရက်
နံနက်ပိုင်းက ဒေသဆိုင်ရာ အာဏာပိုင်များ အဆိုအရ သေဆုံးသူ ၅၄ ဦးထိ ရှိသွားပြီဟု ဆင်ဟွာ
သတင်းတွင် ဖော်ပြခဲ့သည်။

                      လျောင်နင်းပြည်နယ်၌ မိုးအဆက်မပြတ်ရွာသွန်းမှုများမှာ ပြီးခဲ့သည့် သြဂုတ်
၁၅ ရက်မှ သြဂုတ် ၁၈ ရက်အထိ ဖြစ်ပေါ်ခဲ့ပြီး ဖူကျန်မြို့ ရှိ မြစ်များတွင် ရေကြီးမှုများ ဖြစ်ပေါ်
လျက်ရှိကြောင်း လျောင်နင်းပြည်နယ်ဒေသရှိ တာဝန်ရှိသူများက ဆိုသည်။
                     မိုးသည်းထန်စွာ ရွာသွန်းမှုကြောင့် နေအိမ်များ ရေလွှမ်းမိုးကြုံခဲ့ရပြီး မီးရထား၊
ကားသွားလာရေးနှင့် လျှပ်စစ်ဓာတ်အားပြတ်တောက်မှုများ ဖြစ်ပေါ်ခဲ့သည်ဟု သိရသည်။
                      ယင်းကဲ့သို့ ရေကြီးရေလွှမ်းမှုများကို တရုတ်နိုင်ငံ လျောင်နင်းပြည်နယ်၊ ကျီကျန်း
ပြည်နယ်၊ဟေလောင်ကျန်ပြည်နယ်တို့၌ အဓိက ခံစားခဲ့ကြရသည်ဟု သိရသည်။

ကနေဒါညီအစ်ကို နှစ်ဦး စပါးအုံးမြွေသတ်၍သေ

                    ကနေဒါနိုင်ငံတွင် ညီအစ်ကိုနှစ်ဦး တိရစ္ဆာန်အရောင်းဆိုင်အပေါ်ထပ်ရှိ သူငယ်
ချင်း၏ နေအိမ်၌ အိပ်ပျော်နေစဉ် လွတ်မြောက်လာသော စပါးအုံးမြွေတစ်ကောင်၏ သတ်ဖြတ်
မှုကြောင့် သေဆုံးရကြောင်း သြဂုတ် ၁၁ ရက် ဘီဘီစီသတင်းတွင် ဖော်ပြသည်။
                    အဆိုပါ ညီအစ်ကိုနှစ်ဦးကို နယူးဘရန်းဆွစ်ပြည်နယ် ကမ့်ဘယ်တန်မြို့ ရှိ 
တိရစ္ဆာန်အရောင်းဆိုင်တစ်ဆိုင်၏ အပေါ်ထပ်၌ တနင်္လာနေ့နံနက်ပိုင်းက သေဆုံးလျက်
တွေ့ခဲ့ရကြောင်း ရဲတပ်ဖွဲ့က ပြောကြားသည်။
                    ယင်းတို့သည် အသက်ခြောက်နှစ်အရွယ်ရှိ ကော်နာဘာတေးနှင့် အသက်
လေးနှစ်အရွယ်ရှိ နိုအာတို့ဖြစ်ကြသည်။ ယင်းတို့ ညီအစ်ကိုနှစ်ဦးအား မိဘများက တစ်နေရာ
တည်းတွင် မြှပ်နှံရန် လိုလားကြသည်။
                    ၁၄ ပေရှည်သော အဆိုပါမြွေကြီးသည် မှန်လှောင်အိမ်ကို ဖောက်ထွက်ပြီး
မျက်နှာကြက်မှတဆင့် ကလေးများ အိပ်ပျော်နေသော ဧည့်ခန်းအတွင်း ၀င်ရောက်ခဲ့သည်
ဟု သိရသည်။ 

ဖိလစ်ပိုင်တွင် Utor အပူပိုင်းမုန်တိုင်း ၀င်ရောက်တိုက်ခတ်နိုင်ဖွယ်ရှိ

                      Utor အမည်ရှိအပူပိုင်းမုန်တိုင်းသည် တိုင်ဖွန်းမုန်တိုင်းအဖြစ် ဖိလစ်ပိုင်နိုင်ငံ
အတွင်းသို့ သြဂုတ် ၁၁ ရက်ဒေသစံတော်ချိန် ညနေ ၄ နာရီခန့်တွင် ၀င်ရောက်တိုက်ခတ်နိုင်
ဖွယ်ရှိကြောင်း ကြိုတင်ခန့်မှန်းချက်များ ထုတ်ပြန်ထားသည်ဟု သိရသည်။ အဆိုပါ မုန်တိုင်း
သည် ကုန်းတွင်းပိုင်းသို့ မြောက်ဘက် ၁၅ ဒသမ ၉ မှတ်၊ အရှေ့ ဘက် ၁၂၂ ဒသမ ၇ မှတ်၊ 
အနီးမှနေအန္တရာယ်နေ၍ ၀င်ရောက်မည်ဖြစ်ပြီး ၄င်းမုန်တိုင်းဝင်ရောက်ချိန်၌ လေတိုက်နှုံး
သည် တစ်နာရီလျှင် ၁၆၆ ကီလိုမီတာ ၁၀၃ မိုင်နှုံးနှင့် တိုက်ခတ်နိုင်ဖွယ်ရှိကာ Utor မုန်တိုင်း
ဝင်ရောက်တိုက်ခတ်ချိန်တွင် ဒေသတွင်းရှိ အဆောက်အအုံပျက်စီးမှုများနှင့် ရေကြီးမှုများ
ဖြစ်ပေါ်နိုင်ပြီး ပင်လယ်ရေမျက်နှာပြင်သည် သာမန်ထက် ၁ ဒသမ ၈ မီတာမှ ၂ ဒသမ ၄
မီတာ(၆ ပေမှ ၈ ပေထိ) မြင့်တက်နိုင်ဖွယ်ရှိကြောင်း သိရပါသည်။