တပ်မတော်သားနှင့် တပ်မတော်ယာဉ်အဖြစ် အယောင်ဆောင်ကာ ကျပ်သိန်း ၂၅၀ တန် သစ်ခွဲသားများ သယ်လာသော ယာဉ်ဖမ်းမိ

              တပ်မတော်သားနှင့် တပ်မတော်ယာဉ်အဖြစ် အယောင်ဆောင်ကာ

 ကျပ်သိန်း ၂၅၀ တန်ခန့် တန်သည့် ကျွန်းသစ်ခွဲသားများ သယ်ဆောင်လာ

စဉ် ဖမ်းဆီးမိကြောင်း သတင်းရရှိသည်။

              မှော်ဘီမြို့နယ်၊ ပြည်လမ်းတွင် မှော်ဘီမှ ထောက်ကြံ့သို့ 

မောင်းလာသည့် တပ်မတော် စစ်သုံးယာဉ် ဟီးနိုး၊တီအီးအမျိုးအစားအား

 မိုင်တိုင်အမှတ် ၂၈/၇ တွင် စက်တင်ဘာ ၂၆ ရက် ည ၇ နာရီအချိန်၌ 

သစ်တောဦးစီးဌာနက စစ်ဆေးရာ တန်ဖိုးကျပ်ငွေ ၂၄၇ သိန်းတန်သည့်

 တရားမဝင် ကျွန်းခွဲသား ငါးတန်ခွဲကို ဖမ်းဆီးရမိခဲ့ကြောင်း 

သတင်းရရှိသည်။

                  အဆိုပါ ယာဉ်ကို စစ်ဆေးရာတွင် ကြယ်တံဆိပ်တပ်ကာ

 စစ်အစိမ်းရောင် ဆေးသုတ်ထားပြီး စစ်သုံးယာဉ် ဟီးနိုးပုံစံပြုလုပ်ထား

သော ကားမှာ အရပ်ဘက်ကားသာဖြစ်ပြီး ပဲခူးတိုင်းဒေသကြီး၊ပန်းတောင်း

မြို့နယ်၊ဥသျှစ်ပင်ကျေးရွာမှ အမျိုးသားတစ်ဦး ပိုင်ဆိုင်ခြင်းဖြစ်သည်။ 

ထို့ပြင် ယာဉ်မောင်းတပ်ကြပ်နှင့် ယာဉ်နောက်လိုက်တပ်ကြပ်ဆိုသူတို့

မှာလည်း အရပ်သားများဖြစ်နေကြပြီး ယာဉ်ပိုင်ရှင်မှ ရန်ကုန်သို့ 

သစ်ကားတစ်ခေါက် သယ်ခကျပ်တစ်သိန်းဖြင့် လုပ်ဆောင်ပေးနေ

ခြင်းဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့ မှုခင်းမှတ်တမ်း၌ 

ဖော်ပြထားသည်။

                 ထို့ကြောင့် အဆိုပါကားမှာ စစ်ကားအယောင်ဆောင်ပြီး 

သစ်ပိုင်ရှင်တစ်ဦး၏ ကျွန်းသစ်များကို သယ်ဆောင်ပေးနေခြင်း ဖြစ်သည်။ 

အဆိုပါ သစ်ခိုးသယ်သော အလုပ်ကို ဦးဆောင်သူသည် ပဲခူးတိုင်းဒေသကြီး၊ ပန်းတောင်းမြို့နယ်၊ညောင်ခြေထောက်ကျေးရွာ ၊ကပစ ၆ တပ်မှ တပ်ခွဲ

တပ်ကြပ်ကြီးတစ်ဦးဖြစ်ကြောင်း သတင်းရရှိသည်။

                      “တရားခံသုံးယောက်လုံးကိုတော့ စခန်းမှာပဲ 

ချုပ်ထားပါတယ်။ သူတို့ကို သစ်တောဥပဒေနဲ့ပဲ အမှုဖွင့်ထားပါတယ်။ 

အယောင်ဆောင်ဥပဒေနဲ့တော့ အရေးယူတာ မရှိပါဘူး။ သစ်တောက

 ဒီလိုမျိုး ဖမ်းမိရင် သစ်တောဥပဒေနဲ့ပဲ ဖမ်းတာပါ။ တပ်ကြပ်ကြီးကို 

သူ့တပ်ကို လွှဲမပေးရသေးပါဘူး” ဟု မှော်ဘီမြို့မ ရဲစခန်းမှ စက်တင်ဘာ

 ၂၉ ရက် ည ၇ နာရီတွင် တာဝန်ကျသည့် ရဲအရာရှိတစ်ဦးက ပြောသည်။

                    အဆိုပါ တပ်ကြပ်ကြီး၊အယောင်ဆောင် 

အရပ်သားနှစ်ဦး၊ ယာဉ်ပိုင်ရှင်နှင့် ကျွန်းသစ်ပိုင်ရှင်တို့ ငါးဦးစလုံးကို 

သစ်တောဥပဒေပုဒ်မ- ၄၃(က)ဖြင့် မှော်ဘီမြို့မ ရဲစခန်းမှ စက်တင်ဘာ

 ၂၈ ရက် ည ၉ နာရီတွင် အမှုဖွင့်ထားသည်။

                      ယာဉ်မောင်းတပ်ကြပ်အဖြစ် အယောင်ဆောင်သော 

အရပ်သားတစ်ဦးသည် ကပစ ၆ တပ်မှ တပ်ကြပ်ကြီးတစ်ဦး၏ သားဖြစ်ပြီး

 ယာဉ်နောက်လိုက်တပ်ကြပ်အဖြစ် အယောင်ဆောင်သူသည် ကပစ ၆ တပ်မှ

 အငြိမ်းစား တပ်ကြပ်ကြီးတစ်ဦး၏ သားဖြစ်ပြီး ၎င်းတို့နှစ်ဦးလုံးအမည်ကိုပါ 

ပြောင်းထားကြကြောင်း ရဲမှတ်တမ်းတွင် ဖော်ပြထားသည်။ ယာဉ်ပိုင်ရှင်နှင့်

 ကျွန်းသစ်ပိုင်ရှင်တို့ကို ဖမ်းဆီးရမိထားခြင်း မရှိသေးဘဲ တပ်ခွဲတပ်ကြပ်ကြီး

အား စစ်ဆေးပြီးပါက သက်ဆိုင်ရာ တပ်ရင်းသို့ လွှဲပြောင်းပေးရန်

 စီစဉ်ထားကြောင်း သတင်းရရှိသည်။

၇ ရက်သတင်းဂျာနယ် Vol.12  No.30  မှ မှတ်စုထုတ်ထားခြင်း ဖြစ်ပါသည်။

ကျောက်ဖြူတွင် ထင်းနှင့် မီးသွေးအရောင်းဆိုင်အချို့ ပိတ်သိမ်းရ

                         စက်တင်ဘာ ၁၅ ရက်မှစ၍ သဘာဝဓာတ်ငွေ့သုံး 

အင်ဂျင်စက်များဖြင့် လျှပ်စစ်ဓာတ်အားများကို တစ်ယူနစ်လျှင် ၃၅ ကျပ်

နှုန်းဖြင့် ဖြန့်ဝေပေးနေသည့်အတွက် လျှပ်စစ်မီးအသုံးပြုမှုများလာခြင်း

ကြောင့် ကျောက်ဖြူမြို့တွင် ထင်းနှင့် မီးသွေးများ ရောင်းအားကျနေ

ကြောင်း သတင်းရရှိသည်။

                      ယခင်လျှပ်စစ်ဓာတ်အားခများ ဈေးကြီးသည့်

အချိန်က ထင်းနှင့် မီးသွေးကို အဓိကလောင်စာအဖြစ် အသုံးပြုခဲ့သော်

လည်း ယခု လျှပ်စစ်ဓာတ်အားခမှာ ဈေးပေါပေါနှင့် ရရှိနေသည့်အတွက်

 လောင်စာလိုအပ်ချက်ကို လျှပ်စစ်မီးများဖြင့်သာ အစားထိုးလာကြသည်။

                     “လျှပ်စစ်မီတာခတွေ ဈေးတက်နေတုံးက 

ထင်းရော၊မီးသွေးရော ရောင်းအားကောင်းခဲ့ပါတယ်။ အခု လူတော်တော်

များများက မီးတစ်ယူနစ်ကို ၃၅ ကျပ်နှုန်းနဲ့ သုံးစွဲနိုင်ပြီဖြစ်တဲ့အတွက် 

ထမင်းဟင်းချက်တာတောင် အကုန်လုံး လျှပ်စစ်ကိုပဲ အသုံးပြုလာကြ

ပါတယ်။ အဲ့ဒီအတွက် ထင်းနဲ့မီးသွေးဈေးက ပြုတ်ကျသွားပြီး အရောင်း

အဝယ်လည်း မရှိသလောက် နည်းသွားတာဖြစ်ပါတယ်”ဟု ထင်းနှင့် 

မီးသွေး ရောင်းချသူတစ်ဦးက ပြောကြားသည်။ ယင်းသို့ ထင်းနှင့် 

မီးသွေးလောင်စာအစား လျှပ်စစ်ဓာတ်အားကို အားထားသုံးစွဲလာ

ကြသည့်အတွက် အချို့ထင်းနှင့် မီးသွေးအရောင်းဆိုင်များတွင်

 ပိတ်သိမ်းမှုများ ရှိသည်ဟု သိရသည်။

 ၇ ရက်သတင်းဂျာနယ် Vol.12  No.30  မှ မှတ်စုထုတ်ထားခြင်း ဖြစ်ပါသည်။

သဘာဝပတ်ဝန်းကျင် မပျက်စီးစေရန် တောင်ယာခုတ်ခြင်းအား ရှောင်ရှားသင့်

                   ချင်းပြည်နယ်ရှိ သဘာဝအလှနှင့် ပတ်ဝန်းကျင် တောတောင်

 မပျက်စီးစေရေးအတွက် တောင်ယာခုတ်ခြင်းကို ရှောင်ရှားသင့်သည်။ 

တောင်ယာစိုက်ပျိုးလျှင် တောခုတ်၍ မီးရှို့ခြင်း၊ သစ်ထုတ်ခြင်း၊ မီးသွေး

ဖုတ်ခြင်းများ ရှိသည့်အတွက် တောပြုန်း၍ သဘာဝပတ်ဝန်းကျင်အလှအပ

များ ပျက်စီးသည်။ ထို့ကြောင့် သစ်ပင်များ ထပ်မံစိုက်ပျိုးခြင်းကို စီမံချက်ဖြင့်

 စိုက်ပျိုးသင့်သည်။ ချင်းပြည်နယ်အတွင်းရှိ ပြည်နယ်အစိုးရ၊ ဘာသာရေး

အသင်းအဖွဲ့များ၊လူမှုရေး အသင်းအဖွဲ့များနှင့် ပြည်သူများ ပါဝင်ပါက 

အကောင်းဆုံးဖြစ်မည်။

                 မှိုင်းပြာရီမှောင်သည့် ချင်းတောင်တန်းဒေသည် လွမ်းမောဖွယ်

အတိရှိသော ဒေသဖြစ်သည်။ တောတောင်လျှိုမြောင်ချောက်ကမ်းပါးများ 

တည်ရာ ချင်းတောင်တန်းကြီးများသည် အလည်တစ်ခေါက်ရောက်ဖူး

သူတိုင်း သဘာဝအလှအပများကို တမ်းတမိမြဲဖြစ်သည်။ ချင်းပြည်နယ်

သည် ပေ ၃၀၀၀ မှ ၇၀၀၀ အထိ မြင့်မားသော တောင်တန်းများ

ဖြစ်သောကြောင့် ရာသီဥတုမှာ အေးမြသည်။ မိုးများစွာ ရွာသွန်းရာ 

ဒေသဖြစ်သဖြင့် စိုစွတ်ထိုင်းမှိုင်းသည်။ မေလလယ် နောက်ပိုင်းမှ

 နိုဝင်ဘာလအထိ မိုးဥတုဖြစ်၍ လွန်စွာ အေးချမ်းလှသည်။ မိုးသား

တိမ်တိုက်များဖြင့် အုံ့ဆိုင်းမှိုင်းညှို့၍ နေသည်။ မိုးတွင်းတွင်

 မိုးသည်းထန်စွာ ရွာသွန်းသောကြောင့် ဆီးနှင်းများ၊မြူများ 

ဖုံးလွှမ်းကာ အစဉ်အေးချမ်းလှသည်။ ဆောင်းဥတုမှာ ဒီဇင်ဘာလမှ 

ဖေဖော်ဝါရီလအထိဖြစ်၍ အချို့ဒေသများ၌ ရေခဲသည်ကို တွေ့ရသည်။

               ထို့ကြောင့် သဘာဝတောတောင်အလှအပများ မပျက်စီးစေရန် 

တောင်ယာခုတ်ခြင်းကို တားဆီးသင့်ပြီး တောင်ယာလုပ်ငန်းလုပ်ကိုင်နေသူ

များ၏ အခြေခံလိုအပ်ချက်များကို ဖြည့်ဆည်းပေးရန်လည်း လိုအပ်သည်။ သစ်ပင်စိုက်ပျိုးပွဲတော်ကျင်းပခြင်းများရှိပြီး ပြုန်းတီးသွားသော သစ်တော

များ အစားထိုး ပြန်လည်စိုက်ပျိုးသင့်သည်။ ကျေးလက်ဒေသတွင် 

နေထိုင်သူများသည် တောင်ယာစိုက်ပျိုးခြင်းကို မိရိုးဖလာ လုပ်ငန်းအဖြစ် 

အဓိကထား လုပ်ကိုင်ကြကြောင်း သိရသည်။

မြဝတီ သတင်းစာ   ၅-၁၀-၂၀၁၃  မှ  မှတ်စုထုတ်ထားခြင်း ဖြစ်ပါသည်။

သံလွင်မြစ်ပေါ်၌ ရေအားလျှပ်စစ်ထုတ်ယူနိုင်မှု ဖြစ်နိုင်ခြေ လေ့လာမှုများ ပြုလုပ်နေ

           နိုင်ငံတစ်နိုင်ငံ ဖွံ့ဖြိုးတိုးတက်ရေးကို ဆောင်ရွက်ရာတွင် ဓာတ်အားသုံးစွဲ

နိုင်မှုလည်း လိုအပ်လျက်ရှိရာ ဓာတ်အားပြည့်ပြည့်ဝဝ ထုတ်လုပ်နိုင်ရေး အရေးကြီး

လေသည်။ ထိုသို့ ဓာတ်အားတိုးမြှင့်ထုတ်လုပ်နိုင်ရေးအတွက် ရရှိနိုင်မည့် နည်းလမ်း

များဖြင့် လေ့လာမှုများ ပြုလုပ်လျက်ရှိသည်။

          “သံလွင်မြစ်ပေါ်မှာ ရေအားလျှပ်စစ်ထုတ်ယူဖို့အတွက် စီမံကိန်းခြောက်ခု

 ရှိနေပြီ။ အခုလောလောဆယ်မှာတော့ ဖြစ်နိုင်ခြေ လေ့လာမှုတွေ ပြုလုပ်နေပါတယ်။

 ဒေသခံတွေရဲ့ လူမှုစီးပွားနဲ့ သဘာဝပတ်ဝန်းကျင်မထိခိုက်အောင် ဦးစားပေးဖို့

 ကျွန်တော်တို့ ပြောကြားထားပါတယ်။ MoU ရေးထိုးတဲ့အဆင့်မရှိသေးပါဘူး”ဟု

 ရေအားလျှပ်စစ် အကောင်အထည်ဖော်ရေး ဦးစီးဌာန ညွှန်ကြားရေးမှူးချုပ်

 ဦးမော်သာထွေးက ရန်ကုန်မြို့၌ စက်တင်ဘာ ၂၈ ရက်က မီဒီယာများနှင့် 

တွေ့ဆုံစဉ် ပြောကြားသည်။

         သံလွင်မြစ်ပေါ်တွင် ရေအားလျှပ်စစ်စီမံကိန်းများ ဆောက်ရန် ဖြစ်နိုင်ခြေ

 လေ့လာမှုများ ပြုလုပ်နေသည့် နေရာများမှာ ကွမ်းလုံ၊နောင်ခါး၊မန်းတောင်း၊ 

မိုင်းတုံးရွာသစ်နှင့် ဟာဂျီးတို့တွင် ဖြစ်သည်။ ရေအားလျှပ်စစ်စီမံကိန်းများ

 ပြုလုပ်ရာတွင် ဒေသခံပြည်သူတို့၏ လူမှုဘဝစီးပွားမထိခိုက်ရန်နှင့် သဘာဝ

ပတ်ဝန်းကျင် မပျက်စီးမထိခိုက်ရန် မည်သို့ ဆောင်ရွက်မည်ကိုလည်း လေ့လာ

မှုများ ပြုလုပ်နေသည်။

              မြန်မာနိုင်ငံတွင် ရေအားလျှပ်စစ် ထုတ်ယူနိုင်ရေး ဆောင်ရွက်

လျက်ရှိရာ အထက်ဘီလူးချောင်းရေအားလျှပ်စစ်စီမံကိန်းမှာ စွမ်းအားသစ်

အိုအေစစ်ကုမ္ပဏီမှ တည်ဆောက်နေခြင်းဖြစ်ပြီး လာမည့် ၂၀၁၅-၂၀၁၆

 ခုနှစ်တွင် အပြီးတည်ဆောက်မည်ဖြစ်သည်။ ယင်းရေအားလျှပ်စစ်စီမံကိန်းမှာ

 တပ်ဆင်အင်အား ၂၉ မဂ္ဂါဝပ်ဖြစ်ပြီး လောလောဆယ်ပြီးစီးမှုမှာ ၃၇ ဒသမ ၃၂

 ရာခိုင်နှုန်း ဖြစ်သည်။

           ဆက်လက်ပြီး တာပိန်ရေအားလျှပ်စစ်စီမံကိန်းကို တရုတ်နိုင်ငံ China

 Datang ကုမ္ပဏီမှ တည်ဆောက်မည်ဖြစ်ပြီး ၂၀၁၅-၂၀၁၆ ခုနှစ်တွင် အပြီး

တည်ဆောက်မည်ဖြစ်သည်။ တာပိန်ရေအားလျှပ်စစ်စီမံကိန်းမှာ တပ်ဆင်အင်အား

 ၁၀၁ မဂ္ဂါဝပ်ရှိပြီး ထွက်ရှိလာသော လျှပ်စစ်ဓာတ်အားကို မြန်မာနိုင်ငံမှ ၅၀ 

ရာခိုင်နှုန်း ရရှိမည်ဖြစ်ပြီး Free Power ၁၉ မဂ္ဂါဝပ်အပြင် ၂ ဒသမ ၈ Cent

 ဖြင့် ၁၀၁ မဂ္ဂါဝပ် ဝယ်ယူသွားမည်ဖြစ်သည်။

            ထို့အပြင် ၂၀၁၃ ခုနှစ် နိုဝင်ဘာတွင် ဓာတ်အားထုတ်ယူ

နိုင်မည့် ဖြူးရေအားလျှပ်စစ်ဓာတ်အားပေးစက်ရုံမှာလည်း တပ်ဆင်အင်အား

 ၄၀ မဂ္ဂါဝပ်ရှိပြီး နွေရာသီဓာတ်အားထုတ်လုပ်နိုင်မှုမှာ ၁၃ မဂ္ဂါဝပ်ဖြစ်သည်။ 

နန်ချိုရေအားလျှပ်စစ်ဓာတ်အားပေးစက်ရုံသည် တပ်ဆင်အား ၄၀

 မဂ္ဂါဝပ်ဖြစ်ပြီး နွေရာသီဓာတ်အားထုတ်ယူနိုင်မှုမှာလည်း ၁၃ မဂ္ဂါဝပ်ဖြစ်သည်။

           တစ်ဖန် ဘီလူးချောင်း(၃) ရေအားလျှပ်စစ်ဓာတ်အားပေးစက်ရုံ၊

 အထက်ပေါင်းလောင်း ရေအားလျှပ်စစ်ဓာတ်အားပေးစက်ရုံ(ပထမအဆင့်) တို့မှလည်း 

၂၀၁၄ ခုနှစ် ဇန်နဝါရီနှင့် ၂၀၁၄ ခုနှစ် မေလတို့တွင် နွေရာသီ ဓာတ်အားထုတ်လုပ်မှု

 ၄၀ မဂ္ဂါဝပ်နှင့် ၅၀ မဂ္ဂါဝပ်တို့ ရရှိနိုင်မည် ဖြစ်သည်။

မြန်မာ့အလင်း သတင်းစာ   ၃-၁၀-၂၀၁၃  မှ မှတ်စု ထုတ်ထားပါသည်။