တပ်မတော်သားနှင့် တပ်မတော်ယာဉ်အဖြစ် အယောင်ဆောင်ကာ ကျပ်သိန်း ၂၅၀ တန် သစ်ခွဲသားများ သယ်လာသော ယာဉ်ဖမ်းမိ

              တပ်မတော်သားနှင့် တပ်မတော်ယာဉ်အဖြစ် အယောင်ဆောင်ကာ

 ကျပ်သိန်း ၂၅၀ တန်ခန့် တန်သည့် ကျွန်းသစ်ခွဲသားများ သယ်ဆောင်လာ

စဉ် ဖမ်းဆီးမိကြောင်း သတင်းရရှိသည်။

              မှော်ဘီမြို့နယ်၊ ပြည်လမ်းတွင် မှော်ဘီမှ ထောက်ကြံ့သို့ 

မောင်းလာသည့် တပ်မတော် စစ်သုံးယာဉ် ဟီးနိုး၊တီအီးအမျိုးအစားအား

 မိုင်တိုင်အမှတ် ၂၈/၇ တွင် စက်တင်ဘာ ၂၆ ရက် ည ၇ နာရီအချိန်၌ 

သစ်တောဦးစီးဌာနက စစ်ဆေးရာ တန်ဖိုးကျပ်ငွေ ၂၄၇ သိန်းတန်သည့်

 တရားမဝင် ကျွန်းခွဲသား ငါးတန်ခွဲကို ဖမ်းဆီးရမိခဲ့ကြောင်း 

သတင်းရရှိသည်။

                  အဆိုပါ ယာဉ်ကို စစ်ဆေးရာတွင် ကြယ်တံဆိပ်တပ်ကာ

 စစ်အစိမ်းရောင် ဆေးသုတ်ထားပြီး စစ်သုံးယာဉ် ဟီးနိုးပုံစံပြုလုပ်ထား

သော ကားမှာ အရပ်ဘက်ကားသာဖြစ်ပြီး ပဲခူးတိုင်းဒေသကြီး၊ပန်းတောင်း

မြို့နယ်၊ဥသျှစ်ပင်ကျေးရွာမှ အမျိုးသားတစ်ဦး ပိုင်ဆိုင်ခြင်းဖြစ်သည်။ 

ထို့ပြင် ယာဉ်မောင်းတပ်ကြပ်နှင့် ယာဉ်နောက်လိုက်တပ်ကြပ်ဆိုသူတို့

မှာလည်း အရပ်သားများဖြစ်နေကြပြီး ယာဉ်ပိုင်ရှင်မှ ရန်ကုန်သို့ 

သစ်ကားတစ်ခေါက် သယ်ခကျပ်တစ်သိန်းဖြင့် လုပ်ဆောင်ပေးနေ

ခြင်းဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့ မှုခင်းမှတ်တမ်း၌ 

ဖော်ပြထားသည်။

                 ထို့ကြောင့် အဆိုပါကားမှာ စစ်ကားအယောင်ဆောင်ပြီး 

သစ်ပိုင်ရှင်တစ်ဦး၏ ကျွန်းသစ်များကို သယ်ဆောင်ပေးနေခြင်း ဖြစ်သည်။ 

အဆိုပါ သစ်ခိုးသယ်သော အလုပ်ကို ဦးဆောင်သူသည် ပဲခူးတိုင်းဒေသကြီး၊ ပန်းတောင်းမြို့နယ်၊ညောင်ခြေထောက်ကျေးရွာ ၊ကပစ ၆ တပ်မှ တပ်ခွဲ

တပ်ကြပ်ကြီးတစ်ဦးဖြစ်ကြောင်း သတင်းရရှိသည်။

                      “တရားခံသုံးယောက်လုံးကိုတော့ စခန်းမှာပဲ 

ချုပ်ထားပါတယ်။ သူတို့ကို သစ်တောဥပဒေနဲ့ပဲ အမှုဖွင့်ထားပါတယ်။ 

အယောင်ဆောင်ဥပဒေနဲ့တော့ အရေးယူတာ မရှိပါဘူး။ သစ်တောက

 ဒီလိုမျိုး ဖမ်းမိရင် သစ်တောဥပဒေနဲ့ပဲ ဖမ်းတာပါ။ တပ်ကြပ်ကြီးကို 

သူ့တပ်ကို လွှဲမပေးရသေးပါဘူး” ဟု မှော်ဘီမြို့မ ရဲစခန်းမှ စက်တင်ဘာ

 ၂၉ ရက် ည ၇ နာရီတွင် တာဝန်ကျသည့် ရဲအရာရှိတစ်ဦးက ပြောသည်။

                    အဆိုပါ တပ်ကြပ်ကြီး၊အယောင်ဆောင် 

အရပ်သားနှစ်ဦး၊ ယာဉ်ပိုင်ရှင်နှင့် ကျွန်းသစ်ပိုင်ရှင်တို့ ငါးဦးစလုံးကို 

သစ်တောဥပဒေပုဒ်မ- ၄၃(က)ဖြင့် မှော်ဘီမြို့မ ရဲစခန်းမှ စက်တင်ဘာ

 ၂၈ ရက် ည ၉ နာရီတွင် အမှုဖွင့်ထားသည်။

                      ယာဉ်မောင်းတပ်ကြပ်အဖြစ် အယောင်ဆောင်သော 

အရပ်သားတစ်ဦးသည် ကပစ ၆ တပ်မှ တပ်ကြပ်ကြီးတစ်ဦး၏ သားဖြစ်ပြီး

 ယာဉ်နောက်လိုက်တပ်ကြပ်အဖြစ် အယောင်ဆောင်သူသည် ကပစ ၆ တပ်မှ

 အငြိမ်းစား တပ်ကြပ်ကြီးတစ်ဦး၏ သားဖြစ်ပြီး ၎င်းတို့နှစ်ဦးလုံးအမည်ကိုပါ 

ပြောင်းထားကြကြောင်း ရဲမှတ်တမ်းတွင် ဖော်ပြထားသည်။ ယာဉ်ပိုင်ရှင်နှင့်

 ကျွန်းသစ်ပိုင်ရှင်တို့ကို ဖမ်းဆီးရမိထားခြင်း မရှိသေးဘဲ တပ်ခွဲတပ်ကြပ်ကြီး

အား စစ်ဆေးပြီးပါက သက်ဆိုင်ရာ တပ်ရင်းသို့ လွှဲပြောင်းပေးရန်

 စီစဉ်ထားကြောင်း သတင်းရရှိသည်။

၇ ရက်သတင်းဂျာနယ် Vol.12  No.30  မှ မှတ်စုထုတ်ထားခြင်း ဖြစ်ပါသည်။

ကျောက်ဖြူတွင် ထင်းနှင့် မီးသွေးအရောင်းဆိုင်အချို့ ပိတ်သိမ်းရ

                         စက်တင်ဘာ ၁၅ ရက်မှစ၍ သဘာဝဓာတ်ငွေ့သုံး 

အင်ဂျင်စက်များဖြင့် လျှပ်စစ်ဓာတ်အားများကို တစ်ယူနစ်လျှင် ၃၅ ကျပ်

နှုန်းဖြင့် ဖြန့်ဝေပေးနေသည့်အတွက် လျှပ်စစ်မီးအသုံးပြုမှုများလာခြင်း

ကြောင့် ကျောက်ဖြူမြို့တွင် ထင်းနှင့် မီးသွေးများ ရောင်းအားကျနေ

ကြောင်း သတင်းရရှိသည်။

                      ယခင်လျှပ်စစ်ဓာတ်အားခများ ဈေးကြီးသည့်

အချိန်က ထင်းနှင့် မီးသွေးကို အဓိကလောင်စာအဖြစ် အသုံးပြုခဲ့သော်

လည်း ယခု လျှပ်စစ်ဓာတ်အားခမှာ ဈေးပေါပေါနှင့် ရရှိနေသည့်အတွက်

 လောင်စာလိုအပ်ချက်ကို လျှပ်စစ်မီးများဖြင့်သာ အစားထိုးလာကြသည်။

                     “လျှပ်စစ်မီတာခတွေ ဈေးတက်နေတုံးက 

ထင်းရော၊မီးသွေးရော ရောင်းအားကောင်းခဲ့ပါတယ်။ အခု လူတော်တော်

များများက မီးတစ်ယူနစ်ကို ၃၅ ကျပ်နှုန်းနဲ့ သုံးစွဲနိုင်ပြီဖြစ်တဲ့အတွက် 

ထမင်းဟင်းချက်တာတောင် အကုန်လုံး လျှပ်စစ်ကိုပဲ အသုံးပြုလာကြ

ပါတယ်။ အဲ့ဒီအတွက် ထင်းနဲ့မီးသွေးဈေးက ပြုတ်ကျသွားပြီး အရောင်း

အဝယ်လည်း မရှိသလောက် နည်းသွားတာဖြစ်ပါတယ်”ဟု ထင်းနှင့် 

မီးသွေး ရောင်းချသူတစ်ဦးက ပြောကြားသည်။ ယင်းသို့ ထင်းနှင့် 

မီးသွေးလောင်စာအစား လျှပ်စစ်ဓာတ်အားကို အားထားသုံးစွဲလာ

ကြသည့်အတွက် အချို့ထင်းနှင့် မီးသွေးအရောင်းဆိုင်များတွင်

 ပိတ်သိမ်းမှုများ ရှိသည်ဟု သိရသည်။

 ၇ ရက်သတင်းဂျာနယ် Vol.12  No.30  မှ မှတ်စုထုတ်ထားခြင်း ဖြစ်ပါသည်။

သဘာဝပတ်ဝန်းကျင် မပျက်စီးစေရန် တောင်ယာခုတ်ခြင်းအား ရှောင်ရှားသင့်

                   ချင်းပြည်နယ်ရှိ သဘာဝအလှနှင့် ပတ်ဝန်းကျင် တောတောင်

 မပျက်စီးစေရေးအတွက် တောင်ယာခုတ်ခြင်းကို ရှောင်ရှားသင့်သည်။ 

တောင်ယာစိုက်ပျိုးလျှင် တောခုတ်၍ မီးရှို့ခြင်း၊ သစ်ထုတ်ခြင်း၊ မီးသွေး

ဖုတ်ခြင်းများ ရှိသည့်အတွက် တောပြုန်း၍ သဘာဝပတ်ဝန်းကျင်အလှအပ

များ ပျက်စီးသည်။ ထို့ကြောင့် သစ်ပင်များ ထပ်မံစိုက်ပျိုးခြင်းကို စီမံချက်ဖြင့်

 စိုက်ပျိုးသင့်သည်။ ချင်းပြည်နယ်အတွင်းရှိ ပြည်နယ်အစိုးရ၊ ဘာသာရေး

အသင်းအဖွဲ့များ၊လူမှုရေး အသင်းအဖွဲ့များနှင့် ပြည်သူများ ပါဝင်ပါက 

အကောင်းဆုံးဖြစ်မည်။

                 မှိုင်းပြာရီမှောင်သည့် ချင်းတောင်တန်းဒေသည် လွမ်းမောဖွယ်

အတိရှိသော ဒေသဖြစ်သည်။ တောတောင်လျှိုမြောင်ချောက်ကမ်းပါးများ 

တည်ရာ ချင်းတောင်တန်းကြီးများသည် အလည်တစ်ခေါက်ရောက်ဖူး

သူတိုင်း သဘာဝအလှအပများကို တမ်းတမိမြဲဖြစ်သည်။ ချင်းပြည်နယ်

သည် ပေ ၃၀၀၀ မှ ၇၀၀၀ အထိ မြင့်မားသော တောင်တန်းများ

ဖြစ်သောကြောင့် ရာသီဥတုမှာ အေးမြသည်။ မိုးများစွာ ရွာသွန်းရာ 

ဒေသဖြစ်သဖြင့် စိုစွတ်ထိုင်းမှိုင်းသည်။ မေလလယ် နောက်ပိုင်းမှ

 နိုဝင်ဘာလအထိ မိုးဥတုဖြစ်၍ လွန်စွာ အေးချမ်းလှသည်။ မိုးသား

တိမ်တိုက်များဖြင့် အုံ့ဆိုင်းမှိုင်းညှို့၍ နေသည်။ မိုးတွင်းတွင်

 မိုးသည်းထန်စွာ ရွာသွန်းသောကြောင့် ဆီးနှင်းများ၊မြူများ 

ဖုံးလွှမ်းကာ အစဉ်အေးချမ်းလှသည်။ ဆောင်းဥတုမှာ ဒီဇင်ဘာလမှ 

ဖေဖော်ဝါရီလအထိဖြစ်၍ အချို့ဒေသများ၌ ရေခဲသည်ကို တွေ့ရသည်။

               ထို့ကြောင့် သဘာဝတောတောင်အလှအပများ မပျက်စီးစေရန် 

တောင်ယာခုတ်ခြင်းကို တားဆီးသင့်ပြီး တောင်ယာလုပ်ငန်းလုပ်ကိုင်နေသူ

များ၏ အခြေခံလိုအပ်ချက်များကို ဖြည့်ဆည်းပေးရန်လည်း လိုအပ်သည်။ သစ်ပင်စိုက်ပျိုးပွဲတော်ကျင်းပခြင်းများရှိပြီး ပြုန်းတီးသွားသော သစ်တော

များ အစားထိုး ပြန်လည်စိုက်ပျိုးသင့်သည်။ ကျေးလက်ဒေသတွင် 

နေထိုင်သူများသည် တောင်ယာစိုက်ပျိုးခြင်းကို မိရိုးဖလာ လုပ်ငန်းအဖြစ် 

အဓိကထား လုပ်ကိုင်ကြကြောင်း သိရသည်။

မြဝတီ သတင်းစာ   ၅-၁၀-၂၀၁၃  မှ  မှတ်စုထုတ်ထားခြင်း ဖြစ်ပါသည်။

နေပြည်တော်ကောင်စီနယ်မြေအတွင်းရှိ ပလွေးသစ်တောကြိုးဝိုင်းတွင် တရားမဝင်ကျူးကျော်ဝင်​ရောက်နေထိုင်သူများအား တရားစွဲအရေးယူ

                   နေပြည်တော်ကောင်စီနယ်မြေအတွင်းရှိ ပလွေးသစ်တောကြိုးဝိုင်းအတွင်းတွင် တရားမဝင်ကျူးကျော်ဝင်​ရောက်နေထိုင်သူများအား သက်ဆိုင်ရာ သစ်တောဦးစီးဌာနက တရားစွဲအရေးယူထားကြောင်း သိရသည်။

                 တရားမဝင် ကျူးကျော်ဝင်ရောက်နေထိုင်ကြသည့် နေရာမှာ ဒက္ခဏသီရိမြို့နယ် ပလွေးသစ်တောကြိုးဝိုင်း အကွက်အမှတ် (၂၊၃) အတွင်း ရန်ကုန်-မန္တလေးအမြန်လမ်းမကြီး

 မိုင်တိုင်အမှတ် (၂၀၆/၄) အနီးနှင့် အသစ်ဖောက်လုပ်ထားသော နေပြည်တော် မြို့မလမ်း

 ( V-4လမ်း) အကြားတွင် ဖြစ်သည်။

                ယင်းဖြစ်စဉ်နှင့် ပတ်သက်၍ လယ်ဝေးမြို့နယ် သစ်တောဦးစီးဌာန အရာရှိ

 ဦးဝင်းမြင့်အား မေးမြန်းကြည့်ရာ “ ကျွန်တော်က လယ်ဝေးမြို့နယ်နဲ့ ဒဏ္ခဏသီရိ

မြို့နယ်ကို ပူးတွဲတာဝန်ယူထားပါတယ်။ပလွေးကြိုးဝိုင်းအတွင်းမှာ ကျူးကျော်

နေထိုင်သူတွေ များပြားလာကြောင်း သတင်းရရှိတဲ့အတွက် ပြီးခဲ့တဲ့ စက်တင်ဘာ

 ၃ ရက်က လယ်ဝေးမြို့နယ် သစ်တောဦးစီးဌာနက ဝန်ထမ်းတွေနဲ့ ကြိုးဝိုင်းအနီး

အနားရွာတွေက ကျေးရွာအုပ်ချုပ်ရေးမှူးတွေ ပူးပေါင်းပြီး ကွင်းဆင်းစစ်​ဆေးခဲ့ရာမှာ

 အိမ်ထောင်စု ၂၉၀ ကျူးကျော်နေထိုင်နေတာကို တွေ့ရပါတယ်။

              “ဒီလို ကျူးကျော်နေထိုင်တဲ့ ၂၉၀ အနက် ၂၄၆ ဦးကို သစ်တောဥပဒေ

 ပုဒ်မ ၄၀(က)နဲ့ စက်တင်ဘာ ၁၂ ရက်မှာ တရားစွဲဆိုထားပါတယ်။ကျန်တဲ့သူ

တွေကိုလည်း ဆက်လက်အရေးယူသွားမှာ ဖြစ်ပါတယ်”ဟု ပြောကြားသည်။

              အဆိုပါ နေရာတွင် ၂၀၁၀ ခုနှစ်အထိ ကျူးကျော်နေထိုင်သူ မရှိခဲ့ဘဲ 

၂၀၁၂ ခုနှစ် ဇွန်လတွင် ကွင်းဆင်းစစ်ဆေးမှုအရ ယင်းသစ်တောကြိုးဝိုင်းအတွင်း 

ကျူးကျော်နေထိုင်သူ ၅၈ ဦးကို တွေ့ရှိရပြီး ၎င်းတို့အား သစ်တောဥပဒေအရ

 အရေးယူခဲ့ရကြောင်း၊သို့သော် အဆိုပါ ကျူးကျော်သူများမှာ ရွှေ့ပြောင်းသွားခဲ့ခြင်း

မရှိဘဲ ယင်းနေရာတွင်ပင် ဆက်လက်နေထိုင်ခဲ့သည့်အပြင် ယခုစက်တင်ဘာလတွင် ထပ်မံကွင်းဆင်းစစ်ဆေးသည့်အခါတွင် ကျူးကျော်နေထိုင်သူများ အဆမတန် 

တိုးပွားလာခဲ့ကြောင်း၊ယခု တရားစွဲဆိုလျက်ရှိသည့် ကျူးကျော်သူ ၃၀၀ နီးပါးတွင် ယခင်တရားစွဲဆိုအရေးယူခံရဖူးသော ၅၈ ဦးလည်း ပါဝင်ကြောင်း သိရသည်။

               “ဒီကြိုးဝိုင်းအတွင်းမှာ သဘာဝအတိုင်း ပေါက်ရောက်နေတဲ့ သစ်ပင်

ဝါးပင်ငယ်တွေကို သူတို့က ခုတ်ထွင်ရှင်းလင်းပြီး အိမ်တွေ ဆောက်နေကြတော့ 

အဲ့ဒီလို မလုပ်ကြဖို့ မြို့နယ်သစ်တောဦးစီးဌာနကနေ ၂၀၁၂ ခုနှစ် ၁၂ လပိုင်းမှာ 

၂ ကြိမ်တိုင်တိုင် အကြောင်းကြားစာတွေ ပို့ခဲ့ပါတယ်။ ဒါ့အပြင် သစ်တောမြေ

ဖြစ်တဲ့အတွက် ကျူးကျော်နေထိုင်ခြင်းမပြုဖို့ သတိပေးဆိုင်းဘုတ်တွေကိုလည်း

 စိုက်ထူခဲ့ပါတယ်။ ဒါပေမယ့် ဒီဆိုင်းဘုတ်တွေကို ကျွန်တော်တို့က ညနေထူရင် 

ညကျ ဖျက်ဆီးခံရတော့တာပဲ။ အကြိမ်ကြိမ် ဆိုင်းဘုတ်ထူ အကြိမ်ကြိမ် 

အဖျက်ခံရ ဖြစ်နေပါတယ်။ တချို့လူတွေက ဒီနေရာမှာ နေရာဦးပြီး

 ပြန်ရောင်းစားနေကြတာကိုလည်း ကြားသိရပါတယ်။ ဒါ့ကြောင့် တရား

ဥပဒေအရ အရေးယူဖို့ ဆောင်ရွက်ခဲ့ခြင်း ဖြစ်ပါတယ်”ဟု မြို့နယ်တာဝန်ခံ

ဖြစ်သူ တောအုပ်ကြီး ဦးစိုးဝင်းက ပြောကြားသည်။

             လယ်ဝေးမြို့နယ်နှင့် ဒက္ခိဏသီရိမြို့နယ်ရှိ သစ်တောနယ်မြေများအတွင်း ကျူးကျော်ဝင်ရောက်နေထိုင်မှုများမှာ ဤနေရာတွင်သာမက အခြားနေရာများတွင်

လည်း ရှိနေသေးသဖြင့် ကွင်းဆင်းစစ်ဆေးပြီး ဆက်လက်အ​ရေးယူသွားမည်

ဖြစ်ကြောင်း မြို့နယ်သစ်တောဦးစီးအရာရှိက ပြောကြားသည်။

            “နေပြည်တော်ကို တည်ဆောက်ချိန်မှာ အနယ်နယ် အရပ်ရပ်ကနေ 

လာရောက်အလုပ်လုပ်ကိုင်သူတွေ များပြားလာပါတယ်။ အခုအချိန်မှာ

 တည်ဆောက်ရေးလုပ်ငန်းတွေ နည်းပါးသွားပေမယ့်လည်း တချို့က

 သူတို့ ရပ်ရွာကို မပြန်ကြသေးဘဲ တွေ့ရာကြုံရာမှာ ခိုကပ်နေသူတွေ ရှိပါတယ်။

            “နောက်တခုက သာမန်သစ်တောနယ်မြေကျူးကျော်တယ်ဆိုတာက 

သစ်တောမြေနဲ့ ဆက်စပ်နေတဲ့ ကျေးရွာတွေကနေ လူနေအိမ်ခြေတွေ များပြား

လာပြီး သစ်တောနယ်မြေထဲကို ကျူးကျော်ဝင်ရောက်အိမ်ဆောက်နေထိုင်ကြ

တာပါ။ အခုနေရာကတော့ ရွာတွေနဲ့နီးစပ်မှုမရှိတဲ့အတွက် သီးခြားလာရောက်

ကျူးကျော်နေထိုင်တဲ့ သဘောဖြစ်နေပါတယ်။

             “နိုင်ငံတော်အနေနဲ့ ဥပဒေအရ ဖွဲ့စည်းတည်ထောင်ထားတဲ့ သစ်တော

ကြိုးဝိုင်းနဲ့ ကြိုးပြင်ကာကွယ်တောတွေအတွင်းမှာ နှစ်ကာလအတိုင်းအတာ

တစ်ခုအထိ ခွင့်ပြုချက်မရှိဘဲ အခြေချနေထိုင်တဲ့ ရွာစုနဲ့ အိမ်ထောင်စုတွေကို

 မြေပြင်မှာ စာရင်းကောက်ယူပြီး အိမ်ခြေ ၅၀ နဲ့အထက် ကျေးရွာတွေကို

 ပြည်ထောင်စုအစိုးရအဖွဲ့ရဲ့ ခွင့်ပြုချက်နဲ့ တရားဝင် နေထိုင်လုပ်ကိုင်ခွင့်ပြု

မယ်ဆိုတာကို ဒီနှစ် ဇွန်လထဲမှာ ထုတ်ပြန်ကြေငြာခဲ့ပါတယ်။ ဒါနဲ့တဆက်တည်း 

သစ်တောနယ်မြေတွေအတွင်း နှစ်ကာလအတန်ကြာ တရားမဝင် အခြေချ 

နေထိုင်နေတဲ့ အိမ်ခြေ ၅၀ အောက် အိမ်စု၊ရွာစုတွေကိုလည်း ကျေးရွာသစ်

တွေအဖြစ် သစ်တောမြေကနေ စွန့်လွှတ်ပယ်ဖျက်ကာ စုစည်းနေရာချထားဖို့ စီစဉ်ဆောင်ရွက်နေတဲ့အကြောင်းကိုလည်း ဇူလိုင်လအတွင်းမှာ ထုတ်ပြန်

ကြေညာပေးခဲ့ပါတယ်။

              “အဲ့ဒီကြေညာချက်မှာ ဖော်ပြခဲ့တာက နှစ်ကာလအတန်ကြာ နေထိုင်

ခဲ့တဲ့သူတွေကို ဆိုလိုတာပါ။ သို့သော် လူတချို့က ဒီထုတ်ပြန်ကြေညာချက်တွေအပေါ်

 အခွင့်ကောင်းယူပြီး ကျူးကျော်လာတဲ့ သဘောမျိုးလည်း ရှိပါတယ်။ ဒီလို 

လုပ်ရပ်မျိုးတွေကိုတော့ မလုပ်သင့်ပါဘူး”ဟု နေပြည်တော်ကောင်စီနယ်မြေ 

သစ်တောဦးစီးဌာန ညွှန်ကြားရေးမှူး ဦးကျော်လွင်က ရှင်းလင်းပြောကြားခဲ့သည်။

မြန်မာ့အလင်း သတင်းစာ (၂၉.၉.၂၀၁၃)  မှ မှတ်စုထုတ်ထားပါသည်။